«Օրինաց երկիրը»  քաղաքական լուրջ ուժ է: Այդ մասին այսօր` սեպտեմբերի 14-ին  Ազգային ժողովում ճեպազրույցի ընթացքում հայտնել է «Օրինաց երկիր»  խորհրդարանական խմբակցության ղեկավար Հեղինե Բիշարյանը:

Նա նաեւ հիշեցրել է, որ 2013թ. սպասվող նախագահական ընտրություններին  «Օրինաց երկիր»  կուսակցությունը կսատարի գործող նախագահ Սերժ Սարգսյանի թեկնածությունը` հավատարիմ մնալով կոալիցիոն հուշագրի ներքո իր ստորագրությանը:

Հարցին, թե որքանով է հավանական, որ Հայաստանի նախագահական ընտրություններին ՀԱԿ-ը եւ ԲՀԿ-ն հանդես գան միասնական թեկնածուով, Բիշարյանը նշել է, որ ոչինչ չի կարող ասել, քանի որ չգիտի եւ այդ մասին ոչինչ չի լսել:

Պատասխանելով հարցին, թե խորհրդարանական լրացուցիչ ընտրություններին ՕԵԿ-ից ով կառաջադրվի  35-րդ ընտրատարածքում, Բիշարյանը պատասխանել է, որ հարցը քննարկվում է. «Մենք դա կանենք, երբ գա թեկնածուների առաջադրման ժամանակը»:

Լուսանկարը` Սոնա Բարսեղյանի