նախընտրելի դարձնել
Կենսաթոշակային պարտադիր կուտակային համակարգը պետք է ներդնել այն ժամանակ, երբ երկրում մի քանի տարի անընդմեջ տնտեսական աճ կգրանցվի: Այդ մասին խորհրդարանում այսօր` սեպտեմբերի 14-ին ճեպազրույցի ընթացքում հայտնել է «Բարգավաճ Հայաստան» խմբակցության անդամ Միքայել Մելքումյանը:
Պատգամավորի խոսքով` միայն երաշխիքների առկայության դեպքում է հնարավոր տվյալ ծրագրի իրագործումը, իսկ այս պահին ԲՀԿ-ն այդ երաշխիքները չի տեսնում:
Մելքումյանը նաեւ նշել է, որ խմբակցությունն առայժմ չի քննարկել, թե ինչպես կքվեարկի «Կենսաթոշակային պարտադիր կուտակային համակարգի մասին» օրենքի նախագծին:
Պատասխանելով հարցին, թե Ավանի եւ Գյումրիի ընտրատարածքներում ում կառաջադրի ԲՀԿ-ն, կուսակցության մեկ այլ պատգամավոր Վահե Հովհաննիսյանը նշել է, որ վերջնական որոշում դեռ չի կայացվել:
