նախընտրելի դարձնելԻրանը եւ Ռուսաստանը երկկողմանի առեւտրային գործառնություններում կհրաժարվեն դոլարի կիրառումից: Այս մասին հայտնել է Ռուսաստանում Իրանի դեսպան Սեյեդ Ռեզա Սաջադին:
Ինչպես հաղորդում է Fars-ը, դեսպանը հայտնել է, որ դոլարը ոուբլով փոխարինելու առաջարկը արել էր Ռուսաստանի նախագահ Դմիտրի Մեդվեւդեւը` Աստանայում իրանցի գործընկերոջ` Մահմուդ Ահմադինեժադի հետ հանդիպման ժամանակ:
«Այսուհետ մենք այս սկզբունքով ենք համագործակցել եւ մեր առեւտրի մի մասը իրականացվել է ռուբլով»,-ասել է նա:
Նման մոտեցում կա նաեւ Ռուսաստանի կողմից, կարծում է դիվանագետը, ավելացնելով, որ «Մոսկվան դեմ է Իրանի նկատմամբ միակողմանի պատճամիջոցներին, որը կիրառվում է ՄԱԿ-ի ԱԽ-ի շրջանակներում, այդ թվում Իրանի Կենտրոնական բանկի վերջին պատժամիջոցների նկատմամբ»:
Ռուսները հստակ հայտարարել են, որ նրանք չեն ընդունում այդ պատժամիջոցները եւ Իրանի միջուկային խնդիրը լուծումը տեսնում են միայն բանակցությունների ճանապարհով:
Վերջին երկու տարիների ընթացքում Իրանը հետեւողականորեն դոլարը փոխարինում է այլ արժույթներով` արտաքին աշխարհի հետ առեւտրային գործարքներում: օրինակ Հնդկաստանի, Չինաստանի եւ Ճապոնիայի հետ նավթային առեւտրում Իրանը այլընտրանքային արժույթի է անցել:
