Անապայում սեպտեմբերի 15-ին մեկնարկում է ԱՊՀ եւ բալթյան երկրների 21-րդ բաց փառատոնը` «Կինոշոկ-2012»-ը, որը կշարունակվի մինչեւ սեպտեմբերի 23-ը:

Ինչպես հաղորդում է ԱՊՀ գործադիր կոմիտեի մամուլի ծառայությունը, շուրջ 20 տարվա գոյության ընթացքում փառատոնը ձեռք է բերել միջազգային ազդեցիկ կինոֆորումի կարգավիճակ` ստեղծագործական երկխոսության բացառիկ հնարավորություն ստեղծելով:

Հանդիսավոր բացումը տեղի կունենա ժամը 20:00-ին: Կինոփառատոնի շրջանակում 4 մրցանակ կլինի` լիամետրաժ եւ կարճամետրաժ ֆիլմերի, խաղարկային հեռուստաֆիլմերի եւ մանկական անիմացիոն ֆիլմերի համար: Բացի այդ, այս տարի  առաջին անգամ նոր` OMNIBUS կինոալմանախի  ծրագիր կներկայացվի:

Ինչպես հաղորդել էր NEWS.am-ը, կինոփառատոնում Հայաստնը կներկայացնի Նատալյա Բելյաուսկենեի «Եթե բոլորը» ֆիլմը: