նախընտրելի դարձնել
Չինաստանի մայրաքաղաք Պեկինում սեպտեմբերի 9-14-ը Հեռուստաընկերության եւ ռադիոյի միջազգային ակադեմիայի Էլեկտրոնային լրատվամիջոցների միջազգային դպրոցի շրջանակում տեղի է ունեցել արտասահմանցի ռուսալեզու լրագրողների միջազգային սեմինարների շարք:
Ինչպես NEWS.am-ին հաղորդել են Հեռուստաընկերության եւ ռադիոյի միջազգային ակադեմիայից, սեմինարները տեղի են ունեցել Չինաստանի կենտրոնական հեռուստաընկերության ռուսալեզու հիքմի վրա:
Դասընթացներին մասնակցել են արտասահմանցի ռուսալեզու ավելի քան 50 ներկայացուցիչներ: Ծրագրում ներառված են մոսկովյան առաջատար համալսարանների դասախոսների, նշանավոր լրագրողների եւ մեդիա ոլորտի մասնագետների վարպետության դասընթացներ:
«Էլեկտրոնային լրատվամիջոցների միջազգային դպրոց» ծրագիրը Հեռուստաընկերության եւ ռադիոյի միջազգային ակադեմիայի կողմից իրականացվում է 3 տարի շարունակ ` Ռուսաստանի լրագրողների միության եւ Ռուսաստանի տպագիր եւ զանգվածային հաղորդակցության դաշնային գործակալության աջակցությամբ: Սեմինարների ավարտին մասնակիցները դասընթացների մասնակցության վկայական են ստանում:
