Գիտնականները ոչ սենսացիոն բացահայտում են կատարել. ընթերցանությունն օգտակար է ուղեղի համար: Սակայն եզրահանգումը, այնուամենայնիվ, հետաքրքիր է, քանի որ  գիտափորձի արդյունք է:

Սթենֆորդի համալսարանի մասնագետները գիտության մի խումբ թեկնածուների խնդրել են ընթերցել Ջեյն Օսթինի գիրքը` գտնվելով մագնիսառեզոնանսային  տոմոգրաֆիայի սարքի ներսում:  Նրանց խնդրել են դա անել երկու միջոցով` կարդալ հաճույքի եւ քննություն հանձնելու համար:

Սարքը թույլ է տվել գիտնականներին հետեւել ուղեղում արյան շրջանառությանը,  եւ ան, ինչը նկատել են նրանք, շատ հետաքրքիր է: Կարդալիս արյունը հասնում է այն  հատվածներ,  որոնք մտքի կենտրոնացման հետ են կապված: Նրանք նկատել են, որ վերլուծական, մանրամասն ընթերցանությունը պահանջում է որոշակի բարդ ճանաչողական գործառույթ: Գիտնականների խոսքով` երկու տեսակի ընթերցանության դեպքում էլ միանում է այդ գործառույթը, որն ասոցացվում է ոչ միայն «աշխատանքի» կամ «խաղի» հետ:

Հետազոտությունները պարզել են, որ «հաճույքի համար» ընթերցանությունից «վերլուծականի» անցնելիս ուղեղի նյարդային գործունեության տեսակի եւ արյան շրջանառության կտրուկ փոփոխություն է տեղի ունենում:  Գիտափորձի արդյունքում հնարավոր է եզրահանգում անել ուղեղի վրա ընթերցանության ազդեցության ու  նրա այնպիսի գործառույթների ակտիվացման վերաբերյալ, ինչպիսիք են կենտրոնացումն ու ճանաչողությունը: