նախընտրելի դարձնել
Սերգեյ Մավրոդին դարձել է Համառուսաստանյան քաղաքական ՄՄՄ կուսակցության ղեկավարը: Կուսակցության հիմնադիր համաժողովը, «Մենք փոխում ենք աշխարհը» նշանաբանով, տեղի է ունեցել Կուրսկում:
Համաժողովի պատվիրակները ներկայացնում են ավելի քան 50 ռուսական շրջաններ: Նրանց խոսքով, կուսակցության գլխավոր խնդիրը «Առկա միջոցների արդար վերաբաշխումն է, ռացիոնալ օգտագործումը եւ շրջակա միջավայրի պաշտպանությունն է», հաղորդում է REGIONS.RU-ն:
Համաժողովի շրջանակներում ընդունվել են կուսակցության կանոնակարգը եւ ծրագիրը, ինչպես նաեւ ընտրվել են ղեկավար մարմինները:
Քաղաքական կուսակցության ստեղծման մասին Մավրոդին հայտարարել էր դեռեւս մի քանի ամիս առաջ:
Սերգեյ Մավրոդին Ռուսաստանում ամենահայտնի ֆինանսական բուրգեր կառուցողն է: 1990-ականների սկզբին նա ստեղծել է «ՄՄՄ»-ը, որը 1994 թ-ին սնանկացել է: Տարբեր տվյալներով, տուժել են մոտ 15 միլիոն ավանադատուներ: Մավրոդին դատապարտվել է 4,5 տարվա ազատազրկման, սակայն գրեթե միանգամից ազատ է արձակվել:
2011 թ-ին Մավրոդին հայտարարել է «ՄՄՄ» նոր ծրագրի ստեղծման մասին: Ինչպես հայտնել է կազմակերպիչը, ծրագիրը ֆինանսական բուրգ է, որի ավանդատուները շահույթ կստանան մեկը մյուսից: Որոշ ժամանակ անց Մավրոդին որոշել է ստեղծել նոր «ՄՄՄ-2012» կառույց:
