նախընտրելի դարձնել
Նոյեմբերին Հայաստանի արտգործնախարարը կայցելի Քուվեյթ: Այդ մասին հայտարարել է Քուվեյթում Հայաստանի դեսպան Ֆադեյ Չարչօղլյանը:
Այցի շրջանակում կստորագրվեն համագործակցության մասին մի շարք համաձայնագրեր, ասվում է Հայաստանի եւ Քուվեյթի դիվանագիտական հարաբերությունների հաստատման 20-ամյակի կապակցությամբ Չարչօղլյանի հայտարարության մեջ:
Նախատեսվում է նաեւ Երեւանի քաղաքապետի այցը Էլ Քուվեյթ նահանգ` նահանգապետ շեյխ Ալի Ջաբեր ալ Սաբահի հրավերով: Նա նաեւ ընդգծել է, որ Հայաստանն իր հերթին կընդունի քուվեյթա-հայկական խորհրդարանական ընկերության խմբի պատվիրակությանը, հայտնում է KUNA ընկերությունը:
Հայաստանի մայաքաղաքում մինչեւ տարեվերջ տեղի կունենա Քուվեյթի մշակույթի շաբաթ:
Ըստ դեսպանի` երկրները նաեւ համագործակցում են առողջապահության ոլորտում: Բանակցություններ են տարվում Քուվեյթի բժշկական հաստատություններում աշխատող հայ բժիշկների քանակի ավելացման ուղղությամբ:
