նախընտրելի դարձնել
Բաքվում սեպտեմբերի 17-ին կանխվել է ԱՄՆ-ի դեսպանատան մոտ բողոքի ակցիայի կազմակերպման փորձը:
Դեսպանատան շենքի մոտ անցնել փորձող սակավաթիվ մարդկանց խումբը ձերբակալվել է ոստիկանության կողմից: Ձերբակալվել է 20 մարդ, հայտնում է «Ինտերֆաքսը»:
50 հավատացյալներ փորձել են ակցիա անցկացնել ամերիկյան դեսպանատան մոտ, հայտնում է «Ազատություն» ռադիոն: Ոստիկաններն սկսել են ցրել ակցիայի մասնակիցներին` ձերբակալելով ամենաակտիվներին: Ոստիկանությունն իր գործողությունները մեկնաբանել է նրանով, որ բողոքի ակցիան իշխանություների կողմից արտոնված չի եղել:
Քաղաքական եւ հուգեւոր կառույցներից ոչ մեկը չի ստանձնել հակաամերիկյան ակցիայի կազմակերպումը: Իսլամական կուսակցությունը, քննադատելով «Մահմեդականների անմեղությունը» ֆիլմը, միաժամանակ հայտարարել էր, որ կապ չունի ԱՄՆ-ի դեսպանատան առջեւ բողոքի ակցիայի հետ:
