նախընտրելի դարձնել
ՀՀ կառավարությունը մտադիր է հավանություն տալ Աժ Հայ ազգային կոնգրես խմբակցության անդամ Հրանտ Բագրատյանի հեղինակած` «Նվազագույն ամսական աշխատավարձի մասին» օրենքում փոփոխություն կատարելու մասին օրենքի նախագծին: Այդ մասին գրում է «Հայկական ժամանակ» թերթը։
«Համապատասխան որոշման նախագիծն ընդգրկված է ՀՀ կառավարության վաղը կայանալիք նիստի օրակարգում: Հրանտ Բագրատյանն առաջարկում է նվազագույն աշխատավարձը 32 հազար 500-ից դարձնել 72 հազար 500 դրամ: Կառավարության համապատասխան որոշման նախագծի կից հիմնավորումներում նշված է, որ գործադիրն առաջարկվող փոփոխությանը դեմ չէ, քանի որ դա համահունչ է կառավարության որդեգրած քաղաքականությանը: Հիշեցնենք, որ նվազագույն աշխատավարձը կրկնապատկելու գաղափարը Հայ ազգային կոնգրեսի նախընտրական խոստումներից մեկն է»,- գրում է «Հայկական ժամանակը»։
