«Հրապարակը» գրում է. «Պարզվում է` Ռոբերտ Քոչարյանի եւ Գագիկ Ծառուկյանի ջրերն այնքան էլ նույն առվով չեն հոսում, եւ վերջին շրջանում Ծառուկյանն անկանխատեսելի է ոչ միայն Սերժ Սարգսյանի, այլեւ Ռոբերտ Քոչարյանի համար:

Ըստ լավատեղյակների, Սերժ Սարգսյանին պաշտպանելու նախորդ տարվա հուշագիրը ստորագրելուն Քոչարյանը դեմ է եղել, Գագոն գնացել-եկել, ծամծմել է, հետո էլ ասել է, որ ստորագրելու է, Քոչարյանն էլ նետել է` քանի որ ինքնուրույն ես որոշումները կայացնում, ինքդ էլ որոշի` ոնց ուզում ես:

Քոչարյանի թիմում կարծում են, որ Ծառուկյանը միտումնավոր է նման բաներ անում, որպեսզի ինքնուրույնություն ձեռք բերի: Իսկ իրականում նրա վրա մեծ է խնամու` Հովիկի ազդեցությունը, ինչն էլ ահավոր «նյարդայնացնում» է Քոչարյանին: