Քաղաքականություն08:00 | 23 սեպտեմբերի, 2012

Հայաստանի 5 մարզերում այսօր ՏԻՄ ընտրություններ են (ցանկ)

Հայաստանի մի շարք մարզերում այսօր` սեպտեմբերի 23-ին, կանցկացվեն տեղական ինքնակառավարման մարմնի ընտրություններ: Մասնավորպես, ՏԻՄ ընտրություններ կկայանան Արագածոտնի, Գեղարքունիքի,Կոտայքի, Վայոց Ձորի, Տավուշի մարզերի 318 համայնքներում: Այս մասին NEWS.am-ին հայտնեցին Կենտրոնական ընտրական հանձնաժողովից:

Համայնքի ղեկավարի ընտրություններ կկայանա 262 համայնքներում, իսկ ավագանու ընտրություններ կանցկացվեն 281 համայնքներում: 262 համայնքներում համայնքի ղեկավարի պաշտոնի համար առաջադրվել է 699 թեկնածու: Օրենքով սահմանված ժամկետում ինքնաբացարկ է հայտնել 177 քաղաքացի: Արդյունքում քվեարկությանը կմասնակցի 521 համայնքապետի թեկնածու:13 համայնքում սեպտեմբերի 23-ին նախատեսված ՏԻՄ ընտրությունները չեն կայանա, քանի որ բավարար թեկնածուներ չեն եղել:

Սեպտեմբերի 23-ին համայնքապետ կընտրեն 16 քաղաքում, 20 քաղաքային համայնքում տեղի կունենա ավագանու անդամի ընտրություն: Չորս քաղաքում` Սեւանում, Եղվարդում, Ճամբարակում, Աբովյանում համայնքապետի մեկական թեկնածուներ են մնացել: Համայնքապետերի 699 թեկնածուներից 285-ը անկուսակցական են, 282-ը` ՀՀԿ-ական, 87-ը` ԲՀԿ-ական, 27-ը` դաշնակցական, 8-ը` ՕԵԿ-ական, 1-ական թեկնածուներ կան` «Ժառանգություն», «Հայաստանի ժողովրդական», «Հայոց համազգային շարժում», «Ազգային ինքնորոշում», «Ազգային ժողովրդական միություն» կուսակցություններից, եւս երկու թեկնածու` ԺԱԿ-ից:

Ընտրություններին դիտորդական առաքելություն կիրականցի միայն մեկ միջազգային կազմակերպություն` Եվրոպայի տեղական եւ տարածքային իշխանությունների կոնգրեսը եւ 15 տեղական հ/կ:

Ներկայացնում ենք այն քաղաքները, որտեղ պետք է ընտրեն համայնքի ղեկավար:

Արագածոտնի մարզ

Աշտարակ

Արմեն Անտոնյան-անկուսակցական
Ռուշան Մկրտչյան-ՀՀԿ
Ռազմիկ Տերտերյան-անկուսակցական

Ապարան

Գոռ Աբրահամյան-ՀՀԿ

Գեղարքունիքի մարզ

Գավառ

Արմեն Գալստյան-անկուսակցական
Դիմիտրի Իսպիրյան-անկուսակցական
Գրիշա Հովեյան-ՀՀԿ
Գուրգեն Մարտիրոսյան-անկուսակցական

Ճամբարակ

Յուրիկ Ավալյան-ՀՀԿ

Մարտունի