նախընտրելի դարձնել
Պակիստանի իշխանությունները սպասվող բողոքի ցույցերի պատճառով սեպտեմբերի 21-ին արգելափակել են երկրի խոշորագույն 15 քաղաքների բջջային կապը:
Բջջային կապն անջատված է Իսլամաբադում, Կարաչիում, Լահորում, Մուլթանում, Փեշավարում եւ այլ քաղաքներում: Նման որոշում կայացվել է «Մահմեդականների անմեղությունը» հակաիսլամական ֆիլմի հարուցած բողոքի ալիքի հետ կապված, հայտնում է «Ռոսբալտը»;
Հիշեցնենք, որ Պակիստանում այսօր նշելու են պետական նոր տոն` Մուհամեդ մարգարեի հիշատակի եւ սիրո օրը: Միեւնույն ժամանակ տեղի կունենան զանգվածային հակաարեւմտյան ելույթներ, եւ դրանք հազիվ թե խաղաղ լինեն:
Ինչպես ավելի վաղ հայտնել էր NEWS.am-ը, սեպտեմբերի 20-ին Իսլամաբադում ցուցարարաների խմբերը փորձել էին ներխուժել «կարմիր գոտի»` շրջան, որտեղ տեղակայված են նախագահի, վարչապետի նստավայրերը, խորհրդարանը եւ մի շարք հիմնական նախարարություններ:
Ցուցարարները նաեւ փորձել են ներխուժել դիվանագիտական անկլավ: Դիվանագիտական ներկայացուցչության ապահով պաշտպանության համար բոլոր մատույցները շրջափակել են մետաղական պատվարներով: Սակայն բողոքողները ոստիկանների վրա հարձակվել են քարերով: Ցուցարարների հետ բախումներում մի քանի իրավապահներ վիրավորվել են:
