Ռուսաստանյան GQ ամսագիրը սեպտեմբերի 21-ի երեկոյան «տարվա մարդ» մրցանակներ է հանձնել: Գլխավոր անվանակարգում հաղթող է ճանաչվել «Յանդեքս» ընկերութայն գլխավոր տնօրեն Արկադի Վոլոժը: Նա նաեւ դարձել է «Տարվա գործարար» անվանակարգի հաղթողը:

Արարողության տեսաձայնագրությունը սեպտեմբերի 23 –ին ցուցադրվելու է նաեւ «СТС» հեռուստաալիքով, հաղորդում է Novostimira.com-ը:

«Լավագույն խումբ» անվանակարգում հաղթել է «Աուկցիոն» խմբի ներկայացուցիչ Օլեգ Գարկուշան, «Լավագույն մարզիկ» է ճանաչվել հոկեյիստ Եվգենի Մալկինը, իսկ «Տարվա լավգույն կին» մրցանակին արաժանցել է  սցենարիստ, ռեժիսոր, հաղորդավար Ավդոտիա Սմիրնովան:

«Տարվա գրող» է ճանաչվել Բորիս Ակունինը, «Հեռուստատեսային դեմք» անվանակարգում մրցանակը շնորհվել է Նիկոլայ Նաումովին:

Հատուկ` «Ոճի կուռք»  մրցանակը շնորհվել է  հոլիվուդյան դերասան Էդրիան Բրոուդիին:

«Տարվա քաղաքական գործիչ» է ճանաչվել Ալեքսեյ Կուդրինը, «Տարվա դիզայներ»` Սլավա Զայցեւը: