նախընտրելի դարձնելՈւկրաինական Խարկովում կնշեն Հայաստանի Հանրապետության Անկախության օրը: Տոնի առթիվ սեպտեմբերի 25-ին Խարկովում սպասվում է Ուկրաինայում Հայաստանի Հանրապետության արտակարգ եւ լիազոր դեսպան Անդրանիկ Մանուկյանի եւ Ուկրաինայի Հայերի միության նախագահ Վիլեն Շատվորյանի այցը:
Տեղի կունենա հանդիսավոր նիստ եւ համերգ, Analitika.at.ua-ին հայտնել են հյուպատոսության մամուլի ծառայությունից: Սկիզբը 18:00-ին է:
Ուկրաինայի Տարաս Շեւչենկոյի անվան Ազգային ակադեմիական օպերայի եւ բալետի թատրոնում սեպտեմբերի 21-ին հանդիսավոր միջոցառումներ են տեղի ունեցել` նվիրված Հայաստանի Անկախության օրվան: Այս տարի Անկախության օրվա պատվին ավանդական ընդունելությունն ուղեկցվել է դասական երաժշտության համերգով: Միջոցառումներին ներկա են եղել կառավարության ներկայացուցիչներ, Ուկրաինայի Գերագույն Ռադայի, Ուկրաինայի Հայերի միության անդամներ, մտավորականության ներկայացուցիչներ եւ հասարակական գործիչներ: Ողջույնի խոսքով են հանդես եկել Հայաստանի դեսպան Անդրանիկ Մանուկյանը եւ մշակույթի նախարար Միխայիլ Կուլինյակը:
