Վրաստանի կենտրոնական ընտրական հանձնաժողովի տվյալների համաձայն, 2012թ. հոկտեմբերի 1-ին նախատեսվող խորհրդարանական ընտրություններին մասնակցելու իրավունք են ստացել 14 կուսակցություն եւ 2 քաղաքական դաշինք,ընտրողների թիվը  3,6 մլն մարդ, իսկ արտերկրում ընտրություններին կմասնակցի 42հազ. մարդ: Այդ մասին այսօր`սեպտեմբերի 24-ին մամուլի ասուլիսում հայտնեց վրացագետ Ալիկ Էրոյանցը:

Ըստ նրա` ընտրություններին մնացել է մեկ շաբաթ, մինչդեռ Վրաստանի ներքաղաքական մթնոլորտը գնալով սրվում է` Գլդանի բանտում տեղի  ունեցած բռնությունների հետ կապված: «Ընտրություններին պայքարը հիմնականում կծավալվի  իշխող «Միացյալ ազգային շարժում»  եւ կոալիցիոն ըննդիմադիր «Վրացական երազանք»   միջեւ: Վերջին շրջանում այս երկու ուժերը զբաղված են ոչ միայն քարոզարշավով , այլեւ միմյանց փոխադարձ մեղադրանքներ ներկայացնելով: Ընդդիմադիր «Վրացական երազանք» դաշինքի ղեկավար Բիձինա Իվանիշվիլիու   դիրքերը երկրի հասարական - քաղաքական կյանքում  գնալով ամրապնդվում են եւ նա արդեն  ունի համակիրների ստվար բանակ: Հենց ընդդիմադիր «Մաեստրո»  եւ «TV 9» հեռուստաալիքներով ցուցադրվեցին Գլդանի բանտում տեղի ունեցած բռնությունների տեսագրությունը եւ բնական է , որ այս սկանդալը բացասաբար անրադարձավ ներկայիս իշխանությունների վարկանիշին», - ասաց փորձագետը:

Հարցին , թե ինչ մասնակցություն կունենան վրացահայերը առաջիկա ընտրություններին, նա հայտնեց, որ իշխող կուսակցությունից կառաջադրվեն 5, իսկ ընդդիմադիր դաշինքից 2  հայ պատգամավոր, սակայն ինչպես ցույց են տվել նախորդ ընտրությունները վրացահայերը հիմնականում կպաշտպանեն իշխող վարչակարգին:

Անրադառնալով հայ- վրացական հարաբերություններին, նա նշեց , որ դրանք բավականին բարձր մակարդակում են, դրա ապացույցն են միջկառավարական հանդիպումները, համագործակցությունը տարբեր ոլորտներում` ուստի. «Հայաստանի իշխանությունները ավելի հետեւողական պետք է լինեն ու Վրաստանի ուշադրությունը սեւեռեն վրացահայերի  խնդիրներին»: