նախընտրելի դարձնելՎրաստանի նախագահ Միխայիլ Սահակաշվիլին հոկտեմբերի 1-ի խորհրդարանական ընտրություններից հետո կդադարի երկրի քաղաքական դաշտում միանձնյա առաջնորդ լինելուց: Նման տեսակետ այսօր`սեպտեմբերի 26-ին լրագրողներին հայտնել է Կովկասի ինստիտուտի տնօրենի տեղակալ Սերգեյ Մինասյանը: Ըստ նրա` ընտրություններից հետո առաջնային դիրք կունենան ընդդիմության առաջնորդ Բիձինա Իվանիշվիլին եւ գործող վարչապետ Վանո Մերաբիշվիլին: Ըստ Մինասյանի` Սահակաշվիլին դժվար թե ղեկավարումը դե ֆակտո, որպես վարչապետ, վերադարձնելու քայլի դիմի, ավելի շուտ նախագահը կզբաղեցնի որեւէ պատվավոր պաշտոն:
«Սակայն եթե մենք խոսում ենք խորհրդարանական ընտրությունների մասին, ապա չպետք է բացառել դրանց հետաձգման հնարավորությունը` նկատի ունենալով Վրաստանի ներկայիս լարվածությունը», – նշել է փորձագետը:
Նշենք, որ Թբիլիսիում Գլդանի բանտի բռնությունների հետ կապված աղմուկը դեռ չի հանդարտվել: Ըստ փորձագետների` այն հասցրել է Վրաստանում Միխայիլ Սահակաշվիլիի իշխող` «Ազգային միացյալ շարժում» կուսակցության վարկանիշի կտրուկ անկմանը:
