նախընտրելի դարձնել
Լոս Անջելեսում 27-հարկանի երկնաքերից մարդկանց տարհանել են զնգացող ծանրոցի պատճառով: Ոստիկանությունն ահազանգ է ստացել սեպտեմբերի 25-ի առավոտյան:
Ժամանած ոստիկանները կարգադրել են տարհանել մարդկանց, աշխատողներին, որից հետո զննել են երկնաքերը: Ծանրոցում սովորական զարթուցիչ է եղել:
Փաթեթը նախատեսված է եղել ռադիոկայանի դիջեյի համար, որի գրասենյակը շենքում է գտնվում: Այն ուղարկվել էր BET-ի գովազդային ակցիայի շրջանակներում: Այդպես ալիքը տեղեկացնում է նոր`«Չքնել» թոք շոուի թողարկման մասին, հայտնում է «lenta.ru»-ն:
Ռումբի մասին հաղորդագրությունն իրարանցում է առաջացրել գրասենյակների աշխատակիցների շրջանում: Շենքում տեղակայված KNX ռադիոալիքը սխալմամբ հեռարձակել է այլ կայանի հաճախականությունը, որը գտնվում է Սան Ֆրանցիսկոյում եւ որը KNX-ի նման պատկանում է CBS ցանցին: Արդյունքում Լոս Անջելեսի բազմաթիվ ռադիոլսողներ եթերում լսել են Սան Ֆրանցիսկոյում գտնվող Բեյ կամուրջում տրանսպորտային իրավիճակի մասին:
