Թուրքիայի ընդդիմադիր Ազգային-հանրապետական կուսակցության բյուրոյի անդամ Հորշիթ Գյունեշը հայտնել է, որ Էրդողանի կառավարության աջակցությունը խմբավորումներին, որոնց անդամները  Սիրիայի տարածք են ներխուժում, հանցագործություն է Թուրքիայի նկատմամբ, քանի որ նրա հիմնական օրենքը արգելում է երկրի տարածքում օտարազգի զինյալ խմբավորումների առկայությունը:

Ասուլիսի ժամանակ նա լրագրողներին մանրամասնորեն պատմել է Թուրքիայի  տարածքում գրոհայինների գործունեության մասին, ինչպես նաեւ  երկրի կառավարության եւ թուրքական բանակի ներկայացուցիչների հետ համագործակցության մասին: Ցուցադրվել է տեսագրություն, որտեղ երեւում է, թե ինչպես է այսպես կոչված «սիրական ազատ բանակի» ղեկավար Ռիադ Ասադը թուրքական տարածքից հրամաններ արձակում Սիրիայում գտնվող  իր գրոհայիններին:

Լրագրողներին է հանձնվել նաեւ սիրիական ահաբեկիչների հարցազրույցների կրկնօրինակները  օտարազգի  լրագրողների հետ, որոնցում նրանք բազմիցս հաստատում են այն, որ մինչեւ Սիրիա տեղափոխվելը ռազմական պատրաստվածություն են անցել  Թուրքիայի տարածքում, փոխանցում է սիրիական պետական ՍԱՆԱ գործակալությունը:

Հարշիթ Գյունեշը Թուրքիայի Գլխավոր դատախազից պահանջել է քրեական գործ հարուցել Էրդողանի, ինչպես նաեւ արտգործնախարարության ղեկավարի, ներքին գործերի նախարարի նկատմամբ` Թուրքիայի օրենսդրությունը խախտելու մեղադրանքով: