«ՎԿոնտակտե» սոցկայքը ջնջել է  «Մահմեդականների անմեղությունը» աղմկահարույց ֆիլմը, որը քննադատություն էր առաջացրել արաբական աշխարհում եւ Ռուսաստանի որոշ շրջաններում, որտեղ իսլամ են քարոզում:

«Նայեցի «Մահմեդականների անմեղությունը» աղմկահարույց ֆիլմը:   Խղճուկ է, սակավաբյուջետային, չքննարկվող: Ջնջեցի...» – գրել է կայքի հիմնադիր Պավել Դուրովը Twitter-ում: Ընդ որում, օգտվողների համար հասանելի են ֆիլմի մասին պատմող տեսանյութերը, նշում է «gazeta.Ru»-ն:

Հիշեցնենք, որ Ռուսաստանում հայց է ներկայացվել «Մահմեդականների անմեղությունը» ֆիլմը ծայրահեղական ճանաչելու վերաբերյալ: Տվերի դատարանը հայցը կքննի հոկտեմբերի 1-ին:  Ֆիլմը բողոքի ակցիաներ է  հրահրել արաբական բազմաթիվ երկրներում, որոնք նաեւ մարդկային զոհերի են հանգեցրել:  Լիբիայում սպանվել է ԱՄՆ-ի դեսպանը: