Թբիլիսիում տեղի է ունենում քաղաքի օծման արարողությունը, որն անցկացնում է Վրաց  ուղղափառ եկեղեցու պատրիարք Իլյա Երկրորդը: Արարողությունն սկսվել է վրացական մայրաքաղաքի 4 թաղամասերից: 

Հավատացյալների երթը Վակե, Սաբուրտալո եւ Դիդուբե թաղամասերից շարժվում է դեպի Հերոսների հրապարակ:  Այդ հրապարակում  հոգեհանգստի արարողություն տեղի կունենա   զոհված հերոսների հիշատակին:  Այնուհետեւ թափորը կուղեւորվի դեպի Մետեխի կամուրջ, որտեղ ժամը 18:00-ին կսկսվի հանդիսավոր ժամերգություն, հայտնում է  «Նովոստի Գռուզիան»:

Ըստ Վրաստանի պատրիարքարանի` «Թբիլիսիի օծումը կատարվում է առաջին անգամ»: Այդ որոշումը պատրիարքը կայացրել էր երկրում բարդ իրադրության հետ կապված, որն ստեղծվել է հոկտեմբերի 1-ի խորհրդարանական ընտրությունների նախաշեմին: