նախընտրելի դարձնել
Սեպտեմբերի 28-ի դրությամբ Հալեպում մարտերը դադարել են: Այս մասին NEWS.am-ի թղթակցի հետ զրույցում հայտնել է Հայ առաքելական եկեղեցու Բերիո թեմի մամուլի քարտուղար Ժիրայր Ռեիսյանը:
«Ներկայումս Հալեպում ոչ մի բախում չկա»,- նշել է Ռեիսյանը: Անդրադառնալով արեւմտյան լրատվամիջոցների տարած այն տեղեկատվությունը, ըստ որի քաղաքի կենտրոն` մասնավորապես Համիդիե եւ Մեյդան թաղամասեր են ներխուժել գրոհայինները` Ռեիսյանը պատասխանել է, որ քաղաքի կենտրոնը ընդդիմության գրոհայինների հսկողության տակ չէ, իսկ նշված թաղամասերը Հալեպի կենտրոնում չեն գտնվում: Ինչ վերաբերում է հայկական թաղամասերի իրավիճակին, ապա Ռեիսյանի խոսքով, նրանք ապահոված են առաջին անհրաժեշտության սնունդով:
Մինչդեռ ըստ սիրիական զինված ընդդիմության հայտարարության` անցյալ գիշեր Հալեպի կենտրոնում դաժան մարտեր են ընթացել: Արեւմտյան լրատվամիջոցների տվյալ չստուգված տեղեկատվությունը հերթական անգամ տարածել են ռուսական զանգվածային լրատվամիջոցները, մասնավորապես` ԻՏԱՌ-ՏԱՍՍ գործակալությունը:
Իր հերթին, երեկ երեկոյան սիրիական պետական ՍԱՆԱ տեղեկատվական գործակալությունը հայտնել է, որ Հալեպում ոչնչացվել են մեծ քանակությամբ գրոհայիններ, մի քան բազաներ, եւ հրթիռներ, ականանետներ, մի քանի տասնյակ ռազմական ավտոմեքենաներ եւ այլն:
