ՄԱԿ-ի ԳԱ 67-րդ նստաշրջանի շրջանակում աշխատանքային հանդիպում  է տեղի ունեցել ՀԱՊԿ արտգործնախարարների միջեւ, որին մասնակցել է ՀԱՊԿ գլխավոր քարտուղար Նիկոլայ Բորդյուժան: 

Ինչպես NEWS.am-ին հայտնել է ՀԱՊԿ մամլո քարտուղար Վլադիմիր Զայնետդինովը, ՀԱՊԿ պատվիրակությունը Ն. Բորդյուժայի գլխավորությամբ Նյու Յորք էր մեկնել ՄԱԿ-ի ԳԱ-ի 67-րդ նստաշրջանի շրջանակում: ՀԱՊԿ-ը 2004 թվականի դեկտեմբերից ունի  դիտորդի կարգավիճակ: ՀԱՊԿ-ի նախարարները կարծիքներ են փոխանակել  անդամ երկրների`  համաշխարհային եւ տարածքային քաղաքականության ոլորտում հետագա փոխգործակցության վերաբերյալ: Քննարկվել են նաեւ ՄԱԿ-ի ԳԱ-ի 67-րդ նստաշրջանի օրակարգային հարցեր, Աֆղանստանում իրադրությունը, ինչպես նաեւ ՀԱՊԿ-ի եւ ՄԱԿ-ի միջեւ  համագործակցության ընդլայնման վերաբերյալ:

Հանդիպման ընթացքում ԱԳՆ-ների ղեկավարները համատեղ հայտարարություններ են ընդունել Սիրիայի եւ Իրանի իրավիճակի վերաբերյալ:

ՀԱՊԿ-ի անդամ պետությունների  արտգործնախարարները պայմանավորվել են  շարունակել ոչ պաշտոնական  աշխատանքային հանդիպումների պրակտիկան: