Ուկրաինայի նախկին վարչապետ Յուլյա Տիմոշենկոն Խարկովի հիվանդանոցում պառկել է իր հիվանդասենյակի մուտքի մոտ` բետոնե հատակին  եւ հրաժարվել  է ցանկացած գործողությունից,  քանի դեռ նրան թույլ չեն տա հանդիպել միացյալ ընդդիմության առաջնորդների հետ, հաղորդում է «ՈՒՆԻԱՆ» գործակալությունը:

Սեպտեմբերի 28-ին Տիմոշենկոյին մերժել էին հանդիպել միացյալ ընդդիմության խորհրդի ղեկավար Արսենի Յացենյուկի եւ մյուս ընդդիմադիրների հետ: Ուկրաինայի քրեակատարողական հիմնարկների ծառայությունից պարզաբանել են, որ ստացիոնար բուժում ստացող դատապարտյալներին արգելվում է  տեսակցությունը: Նրա հետ շփման իրավունք ունեն միայն փաստաբանն ու բուժանձնակազմը: