Միացյալ Նահանգները «բավարարված չեն» ադրբեջանցի քիլերի գործով Բաքվի եւ Բուդապեշտի բացատրություններով, «Ազատություն» ռադիոկայնաին ասել է ԱՄՆ պետքարտուղարի Եվրոպայի եւ Եվրասիայի հարցերով  օգնական Ֆիլիպ Գորդոնը:

Հանդես գալով Եվրոպական քաղաքականության վերլուծության կենտրոնում, նա հայտարարել է, որ Վաշինգտոնը նախկինի պես «անհանգստություն եւ հիասթափություն» է արտահայտում Բուդապեշտի հասցեին` Ռամիլ Սաֆարովի արտահանձնման հետ կապված:

Նա նշել է, որ Վաշինգտոնը նույն ուղերձը հղում է  Ադրբեջանի կառավարությանը, որն անմիջապես ներում էր շնորհել Սաֆարովին:

«Մենք ապշած էինք անձի հերոսացումով, որը դատապարտվել էր սպանության համար»,-ասել է  Գրոդոնը: Նա այդ գործը «տարածաշրջանում իրական սադրանք» է համարել: