նախընտրելի դարձնել
Facebook-ը ռուս ծրագրավորողներին հրավիրում է ընկերություն` հարցազրույցի: Այդ մասին իր էջում գրել է IBS Group-ի նախագահ Անատոլի Կարաչինսկին:
«Նրանք, ովքեր գնացել էին, ասացին, որ անմիջապես առաջարկ են ստացել տեղափոխվել Ամերիկա աշխատելու», - հաստատում է Կարաչինսկին: Ըստ գործարարի` վերջին անգամ ինքը ռուս ծրագրավորողների նման զանգվածային դուրսբերման հանդիպել է 1998 թվականին: Այն ժամանակ նախաձեռնողը Microsoft ձեռնարկությունն էր:
Այն ժամանակ երկրից գնացել էին բազմաթիվ տաղանդավոր մասնագետներ, նշում է Անատոլի Կարաչինսկին: Ըստ նրա` այն ժամանակ որեւէ մեկը նման բացահայտ «վերբովկա» չէր անում: Այն, ինչ այժմ տեղի է ունենում Facebook-ում, «ցնցել է» Կարաչինսկուն, գրում է «Ռիդուսը»:
Գործարարը նաեւ նշում է, որ Ցուկերբերգը մտադիր է հանդիպել Ռուսաստանի վարչապետի հետ: Դմիտրի Մեդվեդեւի հետ հանդիպումը պետք է կայանա հոկտեմբերի 1-ին: Այդ հանդիպմանն սպասվում է, որ Ցուկերբերգը եւ Մեդվեդեւը կքննարկեն IT-տեխնոլոգիաների ոլորտում փոխգործակցությունները:
