Սեպտեմբերի 29-ը Սրտի Համաշխարհային օրն է: Այն տոնվում է Սրտի համաշխարհային ֆեդերացիայի նախաձեռնությամբ: Միջոցառման նպատակը հանրության շրջանականերում տեղեկացվածության բարձրացումն է սրտի հիվանդությունների, կաթվածների բուժման վերաբերյալ եւ առողջ ապրելակերպի քարոզումը:

2012 թ-ին Սրտի համաշխարհային օրը տեղի կունենա «Մեկ աշխարհ, մեկ տուն, մեկ սիրտ» կարգախոսով եւ կնվիրվի  կանանց եւ երեխաների շրջանում սրտանոթային հիվանդությունների կանխարգելմանը:

Սրտանոթային հիվանդությունները իրենցից ներկայացնում են սրտի եւ արյունատար անոթների հիվանդությունների այն խումբը, որի մեջ մտնում են սրտի իշեմիկ հիվանդությունը, գլխուղեղի  անոթների հիվանդությունը, ծայրամասային զարկերակային հիվանդությունը, Ռևմատիզմային միոկարդիտը  եւ այլ հիվանդություններ:

Սրտանոթային հիվանդությունները աշխարհում մեծ թիվ կազմող մահացությունների  առաջատար հիվանդություններից մեկը. այն ամեն տարի 17,3 միլիոն մարդու կյանք է խլում:

Սրտի համաշխարահային օրը` ԱՀԿ-ի  Սրտի համաշխարհային ֆեդերացիայի համագործակցությամբ միջոցառումներ կկազմակերպեն ավելի քան 100 երկրներում, այդ թվում առողջության ստուգման, զբոսանքների կազմակերպման, վազքերի, ֆիտնեսի, հանրային դասախոսությունների, բեմադրությունների, գիտական ֆորումների, ցուցահանդեսների, համերգների, փառատոնների եւ սպորտային մրցույթների տեսքով: