նախընտրելի դարձնելՍկանդալային նշանավոր իրավաբան Դագիր Հասավովը, ով հայտարարել էր, որ մահմեդականները Մոսկվան արյունով կհեղեղեն, եթե շարիաթի դատարաններ չբացվեն, մոտակա ժամանակներս Ռուսաստան կվերադառնա, քանի որ իրավապահ մարմինները դադարել են նրան հետապնդել` Հասավովի գործունեության մեջ հանցագործության տարրերի բացակայության պատճառով:
Հիշեցնենք, որ 2012 թ-ի ապրիլի 24-ին ՌԵՆ TV հեռուստաընկերության եթերով Դագիր Հասավովը հայտնել է, որ անհրաժեշտ է օրինական կարգավիճակ տալ շարիաթի դատարանների գործունեությանը, քանի որ մահմեդականները դրա կարիքը ունեն: Իսկ բացասական պատասխանի դեպքում, Հասավովը զգուշացրել է, որ կարող են Մոսկվան «արյամբ հեղեղել»` այն դարձնելով «երկրորդ մեռյալ ծով»:
Հասավովի արտահայտությունները մեծ քննադատության է արժանացել: Իրավաբանի հայտարարությունները նաեւ իրավապահ մարմինների ուշադրությանն է արժանացել: Մայիսի վերջին Հասավովի նկատմամբ քրեական գործ է հարուցվել, ինչից հետո Հասավովը փախել էր Ռուսաստանից:
