նախընտրելի դարձնելՌուսաստանի ԱԳ նախարարությունն անհեթեթություն է համարել «Ալ Արաբիա» հեռուստաընկերության այն տեղեկությունը, ըստ որի Ռուսաստանը մասնակից է եղել Սիրիայի վրա թուրքական ռազմաօդային ուժերի օդանավի ոչնչացման մասին:
«Անհարմար է անգամ մեկնաբանել նման անհեթեթությունը, սակայն ստիպված ենք»,-ասված է ԱԳՆ պաշտոնական ներկայացուցիչ Ալեքսանդր Լուկաշեւիչի պատասխանի մեջ, հողորդում է «Ինտերֆաքսը»:
«Այս` անմեղ լինելուց հեռու ֆանտազիաները հիմնվում են այսպես կոչված հետախուզական տվյալների վրա, որոնք իբր ձեռք են բերվել «Ալ Արաբիայի» կողմից: Կեղծիքի հեղինակները հոգ էլ չեն տարել «գաղտնի ծրագրից» տարբերանշանը ջնջելու համար»,-հայտարարել է Լուկաշեւիչը:
Ավելի վաղ BBC-ի ռուսական ծառայությունը հաղորդել էր, որ «Ալ Արաբիա» հեռուստաալիքը, վկայակոչելով ինչ- որ գաղտնի փաստաթղթեր, հայտարարել էր, թե թուրքական զինուժի օդանավի ոչնչացմանն օգնել էին Տարտուսի ռազմաբազայից ռուս մասնագետները:
