Վրաստանի ԿԸՀ-ն նոր տվյալներ է հրապարակել հոկտեմբերի 1-ին կայացած խորհրդարանական ընտրություններից, որոնք հերթական անգամ հաստատել են Բիձինա Իվանիշվիլիի ընդդիմադիր «Վրացական երազանք» կոալիցիայի հաղթանակը:

35,16% արձանագրությունների հաշվարկից հետո (1312 ընտրատեղամասերի) «Վրացական երազանքն» ստացել է ընտրողների ձայների 53,15%-ը:  Նախագահ Միխայիլ Սահակաշվիլիի  «Միասնական ազգային շարժում» կուսակցությունը հավաքել է 41,6%: Մյուս ուժերը խորհրդարան չեն անցնում: 

Մինչդեռ, «Վրացական երազանքի» հարյուրավոր համակիրներ բողոքի ակցիա են անցկացնում ԿԸՀ-ի շենքի առաջ` մեղադրելով  ընտրությունների արդյունքների հրապարակումը գիտակցաբար ձգձգելու եւ արդյունքները կեղծելու փորձերի մեջ: 

Այս պահին ընդդիմադիր «9-րդ ալիքը» ուղիղ եթերով հեռարձակում է Բիձինա Իվանիշվիլիի մամուլի ասուլիսը: