նախընտրելի դարձնել
Հոկտեմբերի 2-ին, ժամը 08.30-ի սահմաններում, Էջմիածին-Արմավիր ճանապարհի 6-րդ կմ-ին իրար են բախվել «ՎԱԶ-2106» մակնիշի երկու ավտոմեքենա: Մեկ ուղեւոր մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե հոկտեմբերի 2-ին, ժամը 16.05-ի սահմաններում, Սպիտակ քաղաքի Տեր-Սիմոնյան փողոցում «ԿամԱԶ» մակնիշի ավտոմեքենա է բախվել «ՈւԱԶ-3962»-ի: Բախման հետեւանքով «ՈւԱԶ-3962»-ի ուղեւորը մարմնական վնասվածքներով տեղափոխվել է հիվանդանոց:
Հոկտեմբերի 2-ին, ժամը 22.30-ի սահմաններում, Գյումրի քաղաքի Շիրակացու փողոցի թիվ 5 շենքի դիմաց «ՎԱԶ-2101» մակնիշի ավտոմեքենա է բախվել «Մերսեդես Բենց»-ի:
Վթարի հետեւանքով «ՎԱԶ-2101»-ի ուղեւորը մարմնական վնասվածքներով տեղափոխվել է հիվանդանոց:
Հոկտեմբերի 2-ին, ժամը 23.00-ին, Արտաշատի խճուղու թիվ 150 հասցեի դիմաց իրար են բախվել «ՎԱԶ-2107» եւ «Մերսեդես» մակնիշի ավտոմեքենաներ:
Պատահարի հետեւանքով «ՎԱԶ-2107»-ի վարորդը եւ 4 ուղեւորները մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
