Ընթացիկ տարում հոկտեմբերի 1-ի դրությամբ հանրապետությունում գրանցվել է օձի խայթոցի 143 դեպք, որից մեկը մահվան ելքով (հուլիսի 22-ին Արմավիրի մարզի Դալարիկ գյուղի բնակիչ Բաբկեն Խաչատրյանին օձը խայթել է դաշտում, նա մահացել է Արմավիրի բժշկական կենտրոն տեղափոխելու ճանապարհին):

ՀՀ առողջապահության նախարարությունը տեղեկացնում է, որ նշված ժամանակահատվածում օձի խայթոցից տուժած 43 քաղաքացի դիմել է Երեւանի բժշկական հաստատություններ, 100-ը` մարզային բժշկական կենտրոններ. Արագածոտնի մարզ` 24, Արմավիրի մարզ` 22, Կոտայքի մարզ` 18, Տավուշի մարզ` 12, Վայոց ձորի մարզ` 9, Սյունիքի մարզ` 7, Արարատի մարզ` 7, Լոռու մարզ` 1:

Նշենք, որ 90 տուժածի ներարկվել է հակաթույն, 53-ին չի ներարկվել, քանի որ դրա կարիքը չի եղել:

2010 թվականին օձի խայթոցի հետեւանքով հոսպիտալացվել է 158 տուժած, որից 4-ը մահվան ելքով: Ամբուլատոր-պոլիկլինիկական օղակ է դիմել եւս 28-ը:

Անցյալ տարի արձանագրվել է օձի խայթոցի 220 դեպք, որից 2-ը մահվան ելքով: