Նախընտրելի
«Apple»-ի գործընկերները ձեռնամուխ են եղել 7,85 դյույմ անկյունագծով iPad պլանշետային համակարգչի հավքմանը, հաղորդում է «Wall Street Journal»-ը:
Ըստ պարբերականի` «iPad Mini»-ի թողարկման նպատակը մրցակցություն ստեղծել է «Google» եւ «Amazon» ընկերությունների առավել էժան մոդելների համար: «Amazon» ընկերության ամենաէժան պլանշետների արժեքը 149 դոլար է, «Google»-ինը` 199 դոլար: Երկու սարքավորումներն էլ ունեն 7 դյույմանոց դիսփլեյ եւ հիմնված են «Android» համակարգի վրա: Ամենաէժան «iPad»-ը` 9,7 դյույմանոց դիսփլեյով, արժե 499 դոլար:
Հիշեցնենք, որ դեռ 2012 թ. ապրիլին փորձագետ Ջոն Գրուբերը հայտնել էր այն մասին, որ «Apple»-ը փորձարկում է նոր սարքավորում: Երկու շաբաթ անց համացանցում տեղեկություն հայտնվեց այն մասին, որ ընկերությունն արդեն պատվերներ է տեղադել պլանշետի թողարկման համար, որի արժեքը լինելու է 249-299 դոլար:
