նախընտրելի դարձնել«Վրացական երազանք» կոալիցիայի առաջնորդ Բիձինա Իվանիշվիլիի խորհրդական Գիա Խուխաշվիլին, պատասխանելով Բելառուսի նախագահի`Վրաստանը ԱՊՀ վերադարձնելու մասին հայտարարությանը, նշել է, որ երկրի նոր իշխանությունների համար այդ հարցն արդիական չէ:
«Այդ հարցը Վրաստանի նոր իշխանությունների օրակարգում չկա», –«Ինտերֆաքսին» հայտնել է Խուխաշվիլին: «Հնարավոր է, նախագահ Լուկաշենկոն Սահակաշվիլիին համոզեր վերադառնալ ԱՊՀ: Ավելին, Սահակաշվիլին հանուն իր փրկության կհամաձայներ Վրաստանը տեսնել Ռուսաստանի կազմում, անգամ` Բելառուսի», - հայտարարել է նա:
Ինչպես հայտնել էր NEWS.am-ը, Բելառուսի նախագահ Ալեքսանդր Լուկաշենկոն ստանձնել էր Վրաստանը ԱՊՀ վերադարձնելու հարցի որոշումը:
«Ինձ թվում է, հաջորդ տարի ԱՊՀ երկների գագաթնաժողովը, ամենայն հավանականությամբ, տեղի կունենա Մինսկում: Դա արդեն իմ գործը կլինի. եթե Մինսկը դառնա գագաթնաժողովի անցկացման վայր, ես ամեն ինչ կանեմ, որպեսզի Վրաստանը վերադառնա Անկախ պետությունների համագործակցություն»,-հայտնել է Բելառուսի ղեկավարը: Միեւնույն ժամանակ նա կարծիք է հայտնել, որ եթե Վրաստանի խորհրդարանական ընտրություններում հաղթեր իշխող կուսակցությունը, ապա միեւնույնն է «Միխայիլ Սահակաշվիլին հաջորդ տարի կլիներ ԱՊՀ անդամ»,- նշել էր նա:
Հիշեցնենք, որ հոկտեմբերի 1-ին Վրաստանում տեղի ունեցած խորհրդարանական ընտրություններում համոզիչ հաղթանակ է տարել ընդդիմադիր «Վրացական երազանք» կոալիցիան, իսկ Սահակաշվիլին ընդունել է պարտությունը եւ հայտարարել է իր կուսակցության ընդդիմադիր դառնալու որոշման մասին:
Անկախ Պետությունների համագործակցությունը ստեղծվել է 1991 թ-ին, որին անդամակցում են ետխորհրդային տարածաշրջանի 12 երկրներ, այսինքն խորհրդային բոլոր նախկին պետությունները: 2008 թ-ին, Հարավային Օսիայի պատերազմից հետո, Վրաստանը դուրս էր եկել ԱՊՀ-ի կազմից:
