նախընտրելի դարձնել
Ստամբուլում ձերբակալվել են Թունիսի երկու քաղաքացիներ, որոնց կասկածում են Լիբիայում ԱՄՆ-ի դեսպան Քրիս Սթիվենսի սպանության մեջ:
Ըստ թուրքական լրատվամիջոցների` կասկածյալները հոկտեմբերի 3-ի երեկոյան կեղծ անձնագրերով Թուրքիա մուտք գործելիս ձերբակալվել են Ստամբուլի ահաբեկչության դեմ պայքարի վարչության աշխատակիցների կողմից՝ Աթաթուրքի անվան միջազգային օդանավակայանում: Այժմ նրանք հարցաքննվում են, հայտնում է NEWSru.com-ը:
Լիբիական Բենգազի քաղաքում ամերիկյան հյուպատոսության շենքի վրա հարձակումը տեղի էր ունեցել սեպտեմբերի 11-ին: Անհայտ անձինք հրաձգության էին ենթարկել դիվանագիտական ներկայացուցչությունը, իսկ հետո զինված մարդկանց խումբը ներխուժել էր շենք:
Հարձակման հետեւանքով զոհվել էին Լիբիայում ԱՄՆ-ի 52-ամյա դեսպան Քրիս Սթիվենսը եւ երեք աշխատակիցներ:
Հարձակման պատճառ էր դարձել համացանցում հայտնված «Մահմեդականների անմեղությունը» ֆիլմը:
