նախընտրելի դարձնել
Էլզասի մեղուները սկսել են արտադրել տարօրինակ կապտականաչավուն մեղր: «Սխալ» մեղրի մասին ֆրանսիացի մեղվապահները հայտնել են դեռ օգոստոսին:
Մտահոգված մեղվապահները անցկացրել են հետազոտություն և հայտնաբերել իրենց մթերքի փչացման «մեղավորին» ՝ Agrivalor ընկերության կենսագազային սարքը, որը կոնֆետների արտադրության Mars ֆաբրիկայի թափոններն է վերարտադրում: Աշխարհահռչակ դեղին, կանաչ, ալ-կարմիր, կապույտ կամ շագանակագույն գլազուրի մեջ փոքր դրաժեները պահվում էին ոչ հերմետիկ տարաների մեջ, որտեղ մեղուները հանգիստ կարող էին մտնել:
Ընկերության մենեջերը հայտարարել է, որ խնդրի լուծումը գտնվել է շատ կարճ ժամանակահատվածում մեղվապահներից բողոքը ստանալուց հետո: «Մենք հավաքել ենք բոլոր տարաները, այժմ նրանք կպահվեն փակ տարածքներում», - նշել է նա, ավելացնելով, որ ընկերությունը «անկեղծորեն ցավում է ստեղծված իրավիճակի համար»:
Տեղական մեղվապահների խորհրդի նախագահ Ալեն Ֆրիյեն նշել է, որ ստացված զանգվածը իր համով նման է մեղրին, սակայն դրանով համեմատությունը ավարտվում է: Դա վաճառել հնարավոր չէ:
Ինչպես հաղորդում է ԻՏԱՌ-ՏԱՍՍ-ը, մթերքը, որն անհնար է վաճառել, մեծ խնդիր է դարձել տասնյակ տեղացի մեղվապահների համար: Բացի այդ, մինչև հաջորդ տարվա գարունը անհայտ կմնա` կապրեն այն մեղուները, որոնք համտեսել են կոնֆետները:
