Հյուսիսկորեացի զինվորը սպանել է իր երկու ծառայակիցներին եւ  փախել է Հարավային Կորեա: Այս մասին հայտնել են Հարավային Կորեայի պաշտպանության նախարարությունից: Հյուսիսային Կորեայից այս տեղեկատվության չեն հաստատել:

Associated Press-ի տվյալներով դեպքը տեղի է ունեցել հոկտեմբերի 6-ին: Փախուստի դիմելուց առաջ զինվորը գնդակահարել է դասակի հրամանատարներին:

Դեպքի կապակցությամբ հյուսիսկորեական սահմանի վրա որեւէ շարժ չի նկատվել, գրում է «Լենտա.ru»-ն:

Հյուսիսկորեական զինվորների դասալքության դեպքեր հազվադեպ են գրանցվում: Վերջինը տեղի է ունեցել 2008-ին: