Ռուսաստանի նախագահ Վլադիմիր Պուտինի ամուսնության առաջարկը իր համերկրացի աղջիկների 66 տոկոսը չէր ընդունի: Այսպիսինն են «Լեւադա-կենտրոնի» հարցման արդյունքները:

Նախագահի հետ իրենց ճակատագիրը կապել համաձայնել են հարցվածների 20 տոկոսը: Ամուսնությանը դեմ են արտահայտվել կանանց 66 տոկոսը: Այն կանանց  թիվը ում համար նախագահի հետ ամուսնությունը ոչ մի դեպքում ընդունելի չէ 43 տոկոս է:

Պետության ղեկավարը հատկապես մեծ  համբավ ունի  25-39 տարեկան միջին կրթությամբ  ռուս կանանց շրջանակներում(25 տոկոս): Նմանատիպ ցուցանիշ է գրանցվել նաեւ աղքատ ռուս կանանց շրջանակում (24 տոկոս):

Ինչպես նշում է ՌԲԿ-ն, հարցման արդյունքների վրա ազդել է այն, որ սոցիոլոգներին  հետաքրքրել է բոլոր տարիքի կանանց կարծիքները: Տարեց ռուս կանանց մեծ մասը  Վ. Պուտինի հետ ամուսնության մտքին խիստ բացասաբար են վերաբերել: