նախընտրելի դարձնել2015 թ-ի Միջազգային տիեզերակայան կթռչեն ռուս տիեզերագնացը եւ ամերիկացի աստղագնացը: Առաջին անգամ տիեզերագնացները ուղեծրային համակարգում կմնան մեկ տարի շարունակ:
Նման պայմանավորվածություն է կայացվել Ռոսկոսմոսի եւ ՄՏԿ-ի այլ գործընկերների հետ, հաղորդում է ԻՏԱՌ-ՏԱՍՍ-ը:
«Անձնակազմի անդամները` ամերիկացի աստագնացը եւ ռուս տիեզերագնացը, կթռչեն տիեզերք եւ Երկիր կվերադառնան ռուսական «Սոյուզ» տիեզերանավով: Նրանց ճամփորդությունը պետք է սկսվի 2015 թ-ին»,-պարզաբանել է NASA-ն: Անձնակազմի ընտրությունն ու թռիչքի մանրամասներն ավելի ուշ կհամաձայեցվի գործընկերների միջեւ, գրում է «Գազետա.ru»-ն:
NASA-ն հույս ունի, որ այդ մեկ տարվա ընթացքում անձնակազմը արժեքավոր տվյալներ կհավաքի, որը անհրաժետ կլինի մարդու` արեւային համակարգ հետագա թռիչքների համար: Մասնավորապես մասնագետները հույս ունեն տվյալներ ստանալ այն մասին, թե ինչպես է մարդկային մարմինը արձագանքում եւ հարմարվում տիեզերքի դժվարին պայմաններին:
