նախընտրելի դարձնել
Վրաստանի ներքին գործերի նախկին նախարար Բաչո Ախալայան եւ Պաշտպանության փոխնախարար Դաթա Ախալայան լքել են Վրաստանը, հաղորդում է «Գրուզիանյուզ» գործակալությունը: Գործակալության աղբյուրի համաձայն, Ախալայա եղբայրները երկրից հեռացել են երեկ ուշ գիշեր:
Հիշեցնենք, որ փորձագետ Գիա Խուխաշվիլին մի քանի օր առաջ վստահեցնում էր, որ վրացի մի քանի նախարարներ կլքեն երկիրը: Մասնավորապես հաղորդվել էր, որ երկիրը կլքի Պաշտպանության նախարար Դմիտրի Շաշկինը: Լրատվամիջոցները նաեւ հայտնել են, որ ոչ պաշտոնական տվյալներով երկիրը լքել են կամ պատրաստվում են լքել Արդարադատության նախարար Զուրաբ Ադեիշվիլին ու Պաշտպանության նախկին նախարար Դավիթ Կեզերաշվիլին:
Վրաստանի Պաշտպանության նախարարությունից Շաշկինի փախուստի լուրը հերքել են եւ հաղորդել են, որ նա ԱՄՆ գործուղման է մեկնել եւ Վրաստան կվերադառնա հոկտեմբերի 6-ին:
