նախընտրելի դարձնել
Գերմանիայի Հյուսիսային Ռեյն- Վեսթֆալիայի «Elsa-Braendstroem» գիմնազիան որոշել է երեխաներին ազատել տնային աշխատանքներ կատարելուց: Տնօրեն Բրիգիտե Ֆոնթայնը «Westdeutsche Allgemeine Zeitung»-ին տված հարցազրույցում ասել է, որ որոշումը կայացվել է նրա համար, որպեսզի դասերից հետո երեխաները հանգստի, երաժշտությամբ կամ սպորտով զբաղվելու համար ավելի շատ ժամանակ ունենան:
Ուսումնական օրվա երկարաձգումը, որին հանգեցրել էր մեկ տարով դպրոցական ուսուցման կրճատումը, երեխաներին զրկել էր ազատ ժամանակից, եւ նրանք հաճախ դպրոցում մնում էին մինչեւ երեկոյան ժամը 6-ը: Տնային աշխատանքների բացակայությունը դպրոցում մտադիր են փոխհատուցել ավելի ինտենսիվ պարապմունքներով:
