Թբիլիսիում Ռուսթավի պողոտայում դաժան ծեծի են ենթարկել վրացի գրող Զազա Բուրչուլաձեին: Ինչպես հաղորդում է  «Էխո Կավկազը», հիմա գրողը հիվանդանոցում է` «ուղեղի ցնցում» ախտորոշմամբ: Տուժածը կարծում է, որ իր վրա հարձակումը պայմանավորված է թերթում Գլդանի բանտի աշխատակիցների ցուցակի հրապարակումով, որոտեղ նշված են եղել նաեւ նրանց հասցեները: Հարձակումից  առաջ Բուրչուլաձեն հանդես էր եկել հեռուստատեսությամբ` դատապարտելով թերթի խմբագրության այդ քայլը:

Ինչպես ավելի վաղ տեղեկացրել էր NEWS.am-ը, սեպտեմբերի  18 –ին Վրաստանի ՆԳՆ-ն հայտնել էր Գլդանի բանտում դատապարտյալների նկատմամբ անմարդկային վերաբերմունքի մասին: