ԱՄՆ-ում խավարասերներ ուտելու մրցույթում հաղթողը մահացել է մրցույթի ավարտից անմիջապես հետո: Հոկտեմբերի 5-ին Ֆլորիդայի կենդանաբանական խանութներից մեկում տեղի  ունեցած մրցույթի մասնակիցները պետք է հնարավորինս շատ կենդանի խավարասերներ եւ  որդեր ուտեին:

Էդվարդ Արչբոլդը, ով հասցրել է կուտ տալ մի քանի տասնյակ միջատ եւ նշանակալիորեն առաջ է անցել իր մրցակիցներից, հաղթող ճանաչվելուց անմիջապես հետո  իրեն վատ է զգացել. « Նա հաղթել է: Եվ նա մահացել է», - մրցույթն ամփոփում է NBC հեռուստաընկերությունը:

Բժիշկները խոստանում են հայտնել մահվան պատճառը բժշկական փորձաքննությունից հետո, գրում է «Ռոսիյսկայա գազետան»:

Դժբախտ դեպքի նախօրեին Արչբորդը Facebook-ի իր էջում գրել է, որ վստահ է իր հաղթանակի մեջ, եւ մրցանակը որ նա կստանա  «ավելի նվազ է, քան այն փառքը, որը նրա գլխին կթափվի»: Նրա ընկերները վստահեցնում են, որ նա «համառորեն մարզվում էր ` կուլ տալով հսկայական խավարասերներ»: