Twitter-ի համահիմնադիր  Ջեկ Դորսին հրաժարվել է միկրոբլոգի օպերատիվ կառավարման ծառայությունից` ավելի շատ ուշադրություն հատկացնելով բջջային Square վճարային  իր սեփական  ծրագրին: Այս մասին Դորսին հայտնել է սեփական բլոգում:

Ջեկ Դորսին,  Բիզ Սթոունը եւ Էվան Ուիլյամսը 2006 թ-ին ստեղծել են Twitter միկրոբլոգը եւ այն կառավարել են  մինչեւ 2010 թ-ը: 2010 թ-ին Սթոունը եւ Ուիլյամսը հրաժարվել են Twitter-ի օպերատիվ ծառայությունից եւ հեռացել են սեփական նախագծերը ստեղծելու համար` Twitter-ում պահելով ձեւական պաշտոնները: Այդ ժամանակ Դորսին մնացել է Twitter-ում, թեեւ 2010 թ-ին ընկերության գլխավոր պաշտոնում նշանակվել է Դիկ Կոստոլոն, որը ընկերություն է բերել պրոֆեսիոնալ թոփ-գործակալներ:

2008 թ-ին Ջեկ Դորսին Twitter-ին զուգահեռ սկսել է զբաղվել սեփական Square նախագծով, որը հնարավորություն է տալիս բջջային հեռախոսով վճարային գործարքներ կատարել: 2011 թ-ին Դորսին հայտարարել է, որ լքում է Twitter-ի ղեկավարի պաշտոնը` ավելի շատ ուշադրություն հատկացնելով Square-ին, սակայն մի քանի ամիս անց  Դորսին հայտնել էր, որ Twitter-ի ղեկավարությունը իրեն խնդրել է  Twitter վերադառնալ  եւ զբաղեցնել օպերատիվ ծառայության, դիզայնի կամ ապրանքանիշի առաջխաղացման  պաշտոններից մեկը:

Ինչպե նշում է «Գազետա.ru»-ն, 6 տարիների ընթացքում Twitter-ին այդպես էլ  չի հաջողվել  դուրս գալ շահույթային մակարդակ: