նախընտրելի դարձնել«Հրապարակը» գրում է, որ «Բարգավաճ Հայաստան» խորհրդարանական խմբակցությունը կմասնակցի հաջորդ քառօրյային՝ հոկտեմբերի 22-25-ը կվերադառնա խորհրդարան: Այս տեղեկությունը հաստատեց ԲՀԿ մամուլի խոսնակ Տիգրան Ուրիխանյանը՝ հիմնավորելով, որ ժողովուրդն է իրենց «գործուղել» ԱԺ:
«Այո, մասնակցելու ենք խորհրդարանական աշխատանքներին, հանձնաժողովների աշխատանքներին, որովհետեւ, ի տարբերություն շատ ուժերի, մենք ամենաառաջնայինը համարում ենք մեկ բան՝ կատարել այն, ինչ մեզ հանձնարարել է մեր ընտրողը, ու չնայած այն խնդիրներին, որոնք առաջացնում են մեզ համար, որպեսզի խոչընդոտեն մեր աշխատանքը, այդուհանդերձ, մենք փորձելու ենք դեմն առել եւ լուծել այն հարթակներում, որը ժողովուրդն է տրամադրել»:
Հիշեցնենք, որ ԲՀԿ անդամ, նախկին արտգործնախարար Վարդան Օսկանյանին պատգամավորական անձեռնմխելիությունից զրկելու օրը ԲՀԿ խմբակցությունը հայտարարեց, որ բոյկոտում է ԱԺ այդ քառօրյան, իսկ հետագա մասնակցությունն ԱԺ աշխատանքներին կքննարկեն առաջիկայում:
