նախընտրելի դարձնել
Վրաստանի Կենտրոնական Ընտրական Հանձնաժողովը (ԿԸՀ) 7 ընտրատեղամասերում կրկնակի ընտրություններ է նշանակել, որոնք տեղի կունենան հոկտեմբերի 14-ին Կրկնակի ընտրությունները կարող են հարցականի տակ դնել իշխող կուսակցության երեք թեկնածուների հաղթանակը, հաղորդում է «Գրուզիա օնլայնը»: Դատարանները դեռեւս որոշում չեն կայացրել մի շարք այլ ընտրատեղամասերի համար:
Հիշեցնենք, որ նախնական տվյալներով «Վրացական երազանքից» խորհրդարան են անցնում 39 մեծամասնական պատգամավոր, իսկ «Միասնական ազգային շարժումից»` 34-ը: Կուսակցական ցուցակով «Վրացական երազանքից» խորհրդարան են անցնում 44 պատգամավոր, իսկ «Միասնական ազգային շարժումից»` 33 պատգամավոր: Վրաստանի ԿԸՀ-ն վերջնական արդյունքները պետք է ներկայացնի հոկտեմբերի 20-ին:
Ավելի վաղ NEWS.am-ը հաղորդել է, որ Վրաստանում ձայների հաշվարկը իրականացվել է իշխանությունների կողմից գործադրված ճնշումների ներքո: Առավել տագնապալից դրություն էր ստեղծվել Խաշուրի քաղաքում, որտեղ հատուկ ծառայությունները կրակել եւ ընդդիմության կողմնակիցների նկատմամբ արցունքաբեր գազ են կիրառել, ովքեր փորձել են թույլ չտալ ձայների հաշվարկի խախտումներ:
