նախընտրելի դարձնելՌուսաստանի Պետդումայի պատգամավորները մոտ ապագայում կարող են լրջորեն դժվարացնել օտարերկրյա քաղաքացիների կյանքը, ովքեր ցանկանում են հաստատվել Ռուսաստանում: Խորհրդարանի ստորին պալատում ուսումնասիրվում է օրինագիծ, որը սահմանափակում է երկիր ներգաղթողների մուտքի հնարավորությունները, գրում է «Կոմերսանտը»: Փաստաթղթի բովանադակությունը պալատ է ներկայացրել անվտանգության հարցերով խորհրդարանական կոմիտեի նախագահ Իրինա Յարովան եւ փոխնախագահ Ալեքսանդր Խինշտեյնը:
Օրինագիծը սահմանում է այն անձանց շրջանակը, որոնց կարգելվի մուտք գործել Ռուսաստանի տարածք: Նրա մեջ կմտնեն այն անձինք, ովքեր դիտավորյալ սպանություն են կատարել, կեղծ փաստաթղթեր են օգտագործել եւ այլ իրավախախտումներ են կատարել: Բացի այդ, պատգամավորի կարծիքով, օրինագծի ընդունման դեպքում կլուծվի նաեւ «ռեզինե բնակարանների» հարցը, երբ մեկ ընդհանուր տարածքում բնակվում են 100-200 մարդ»:
Խինշտեյնը հիշեցրել է, որ Ռուսաստանից ամեն տարի վտարվում են մոտ 10 հազար անօրինական եկվորներ, ովքեր հետագայում կրկն վերադառնում են, քանի որեւէ պատժաձեւ դրա համար ներկայիս օրենքով չի նախատեսվում:
Պատգամավորները նշել են, որ օրինագիծը նախագահ Վլադիմիր Պուտինի նախաձեռնության շարունակությունն է, ով իր նախընտրական ծրագրերից մեկում առաջարկել է երկրից երբեւէ վտարված անձանց մուտքը արգելել 10 տարի ժամկետով:
