ԱՄՆ վերաքննիչ դատարանը չեղյալ է հայտարարել Samsung ընկերության Galaxy Nexus հեռախոսների վաճառքի արգելքը, ինչը երկու ընկերությունների պայքարում  եւս մեկ հարված է Apple նկատմամբ: Դատավճռի մեջ ասվում է, որ հունիսին Քալիֆորնիայի դատարանը, արգելք նշանակելով, գերազանցել է իր լիազորությունները:

Հիշեցնենք, որ  այս ամսվա սկզբին նույնպես չեղյալ էր հայտարարվել Samsung Galaxy Tab 10.1 պլանշետային համակարգչի  վաճառքի արգելքը: Apple եւ Samsung ընկերությունները դատական  գործընթացներ են հարուցում միմյանց դեմ ` արտոնագրային խախտումների մեղադրանքներով:

Ինչպես հաղորդում է ռուսական BBC-ի ծառայությունը,  Samsung-ը ողջունել է բողոքարկման դատարանի որոշումը: Ընկերության հայտարարության համաձայն, նա հաստատում է, որ արտոնագրային իրավունքի դերը  կայանում է նրանում, որպեսզի պաշտպանվի նորարարական որոշումները, այլ ոչ նրանում, որպեսզի անհիմն ձեւով ոչնչացվի մրցակիցը եւ սահմանափակվի սպառողի ընտրությունը:

Այս տարի քալիֆորնիական դատարանի որոշմամբ Samsung–ը Apple-ին  է վճարել  ավելի քան միլիարդ դոլար փոխհատուցում մի շարք արտոնագրային խախտումների պատճառով: