Սիրիայի նկատմամբ Ռուսաստանի քաղաքականությունը  «բարոյապես անկայուն է» եւ անհամատեղելի է Ռուսաստանի`  որպես ՄԱԿ-ի Անվտանգության Խորհրդի մշտական անդամի կարգավիճակի հետ: Այս մասին ճեպազրույցի ժամանակ հայտնել է Պետդեպարտամենտի  պաշտոնական ներկայացուցիչ Վիկտորիա Նուլանդը` պատասխանելով  Ռուսաստանից Սիրիա առաքումների օրինականության հարցին եւ սիրիական ինքնաթիռի միջադեպին, որը  կալանավորվել էր Թուրքիայում:

Վ. Նուլանդը միաժամանակ ընդունել է, որ իրավաբանական տեսանկյունից Ռուսաստանից Սիրիա առաքումները օրինական են համարվում, քանի որ ՌԴ-ը եւ Չինաստանը  նախկինում արգելափակել են Սիրիայի հեղաշրջումը ՄԱԿ-ի Անվտանգության Խորհրդում, որը պատժամիջոցներ էր առաջարկում Սիրիայի նկատմամբ:

Նուլանդը նաեւ տեղեկացրել է, որ Պետդեպը ինքնաթիռի կալանավորման ժամանակ թուրքական կողմի հետ անընդմեջ կապի մեջ է եղել: Նրա խոսքով, Միացյալ Նահանգները կասկած չունի, որ ինքնաթիռում ռազմական սարքավորումներ են եղել: Դիվանագետը նաեւ նշել է, որ ՄԱԿ-ի ԱԽ-ի բոլոր անդամները, բացի Ռուսաստանից եւ Չինաստանից, ամեն ինչ անում են որպեսզի Սիրիան դրսից աջակցություն չստանա, փոխանցում է ՌԲԿ-ն:

Հիշեցնենք, հոկտեմբերի 10-ին Թուրքիայի ռազմաօդային ուժերի «F-16» կործանիչները Մոսկվայից Դամասկոս թռչող  սիրիական քաղաքացիական  «Аirbus А-320» ինքնաթիռին ստիպել էին վայրէջք կատարել Անկարայի օդանավակայանում:  Թուրքական լրատվամիջոցների հաղորդմամբ` ինքնաթիռում հեռահաղորդիչ սարքավորումներ էին եղել, ռադիոընդունիչներ եւ այլն: Բեռն առգրավվել էր, ինչից հետո  Airbus A-320-ին թույլ էին տվել շարունակել թռչքը` Անկարայի օդանավակայանում 9 ժամ մնալուց հետո:

Ռուսաստանի ԱԳՆ-ն իր հերթին խիստ տոնով բացատրություններ էր պահանջել թուրքական կողմից: