Ռուսաստանը կարող է ճանաչել Մերձդնեստրը Մոլդովայի` պետական սուվերենության եւ չեզոք երկրի կարգավիճակը կորցնելու դեպքում, հայտնել է Ռուսաստանի ԱԳՆ-ի հատուկ հանձնարարությունների հարցերով դեսպան Սերգեյ Գուբարյովը Տիրասպոլում տեղի ունեցած ասուլիսի ժամանակ:

Մոլդովայի սուվերենության եւ չեզոքության կորստի դեպքում Ռուսաստանի Դաշնությունը  կվերադառնա Մերձդնեստրի ինքնորոշման հարցի ճանաչմանը»,- ասել է նա, ավելացնելով, որ հակամարտության կարգավորման վերջնական նախագիծը պետք է ընտրեն կողմերը` փոխզիջման հիման վրա:

Բանակցությունների նպատակը Տիրասպոլի եւ Քիշնեւի միջեւ հետագա համագոյության կառուցումն է: Թե ինչ ձեւաչափով եւ ինչ մոդելով, դա արդեն պետք է Տիրասպոլն ու Քիշնեւը որոշեն»,- ընդգծել է դիվանագետը, նշելով, որ  յուրաքանչյուր առանձին դեպքում  սառեցված հակամարտությունների կարգավորումը պետք է տեղի ունենան սեփական սցենարով: Նրա խոսքով, չի կարելի նմանատիպ բոլոր իրավիճակներին նույն ձեւ մոտենալ եւ նրանցից յուրաքանչյուրը պետք է մանրամասն քննության եւ հաստակ որոշումների  մշակման ենթարկվեն:

Ինչպես փոխանցում է «Ռոսբալտը», Գուբարյովը նշել է, որ իրավիճակից դուրս գալու համար անհրաժեշտ է   երկու կողմերին բավարարող  ելք  գտնել, իսկ եթե նման բան չլինի, ապա ռուս դիվանագետի խոսքով պետք է անցնել  պլան «Բ»-ի քննարկմանը: